समूह चरणको अन्तिम खेलमा भारतसँग १० विकेटले पराजित भएसँगै एसिसी यु–१९ एसिया कपमा जितविहीन बनेको छ ।
समूह ‘ए’ मा रहेको नेपालले समूह चरणका तीनवटै खेलमा पराजित बेहोरेको हो । यसअघि नेपाल पहिलो खेलमा पाकिस्तानसँग ७ विकेट र दोस्रो खेलमा अफगानिस्तानसँग ७३ रनले पराजित भएको थियो ।
दोस्रो जित निकाल्दै चार अङ्क जोडेको भारतले सेमिफाइनल सम्भावनालाई जीवितै राखेको छ । यसअघि भारतले अफगानिस्तानलाई ७ विकेटले हराउँदा पाकिस्तानसँग ८ विकेटको पराजय बेहोरेको थियो ।
दुबइको आइसिसी एकेडेमीको दोस्रो मैदानमा मङ्गलवार नेपालले प्रस्तुत गरेको ५३ रनको झिनो लक्ष्य भारतले ७.१ ओभरमा कुनै पनि विकेट नगुमाई पूरा गर्यो ।
भारतका लागि अविजित रहेका अर्शिन कुलकर्नीले ४३ र आदर्श सिंहले १३ बलमा दुई चौकाको मद्दतले १३ रन बनाए । त्यसअघि टस हारेर ब्याटिङको निम्तो पाएको नेपालले २२.१ ओभरमा सबै विकेट गुमाउँदै ५२ रन मात्र बनाउन सेकेको थियो ।
नेपालका कुनै पनि ब्याटरले दोहोरो अङ्कमा रन जोड्न सकेनन् । नेपालका लागि हेमन्त धामीले ८, अर्जुन कुमाल र दीपक बोहराले ७, आकाश चन्दले अविजित ४, गुल्सन झा र दीपेश कँडेलले ४, कप्तान देव खनाल सुवास भण्डारीले २ र दीपक बोहराले १ रन बनाए । उत्तम थापा मगर र दीपक डुम्रेले रनको खाता पनि खोल्न सकेनन् ।
भारतका लागि राज लाम्बिनीले ९.१ ओभरमा १३ रन खर्चिँदै ७ विकेट लिए । यसैगरी आरध्य शुक्लाले २ र अर्शिन कुलकर्नीले १ विकेट लिए । रासस
