मित्रराष्ट्र भारतका सेनाध्यक्ष एम एम नरवणेको औपचारिक निमन्त्रणामा नेपाली सेनाका प्रधान सेनापति प्रभुराम शर्माले यही २०७८ कात्तिक २३ गते देखी कात्तिक २६ गतेसम्म भारतको भ्रमण गर्ने कार्यक्रम रहेको छ ।
भ्रमणको दौरान उहाँलाई भारतका महामहिम राष्ट्रपतिबाट मानार्थ महारथीको दर्जाबाट सम्मानित गर्नु हुने कार्यक्रम रहेको छ भने उहाँले त्यसै अवसरमा आफ्ना समकक्षी जनरल नरवणे लगायत भारतीय सेनाका विभिन्न उच्च पदाधिकारीहरुसंग पनि भेटघाट गर्ने कार्यक्रम रहेको नेपाली सेनाले जनाएको छ ।
मन्त्रिपरिषद् बैठकले प्रधानसेनापति शर्मालाई भारत भ्रमण गर्न स्वीकृत समेत प्रदान गरेको थियो ।
