गौरब गरिरहन्छ धरहरा  !

~बाबुराम श्रेष्ठ यात्री

जिउँदो इतिहास बोकेर धरहरा 
दुई पटक ढलेर पनि
फेरि भुइ माथी ठिङ्ग उभिएको छ
मानौं भिमसेन थापा 
काठमाडौ हेरिरहेछ
बदलिँदो परिवेश धरहराको पेरिफेरिमा
शासन सत्ता घुम्छ
बिगुल फुक्छन शासकहरु
र परेड खेलाउछन टुडिखेलमा

 

मान्छेले बनाएका इमारत 
उसको बुइ चढेर  एकनास 
धरहरा आफूलाई ठूलो भएको 
अदभूत गरिरहेछ

 

सामुन्नेमा चौडा छातिहरु खोलेर
बाटोहरु लम्पसार छ
बेपर्बाह मानिसहरु सपना बोकेर
गन्तब्यतिर छरिएका छन्
उ हेरिरहन्छ 
मान्छेका रात र दिनका चर्तीकला 
र गौरब गरिरहन्छ आफुलाइ 
धरहरा भएकोमा।