जोगिन्दर पानवाला उपनामले लोकप्रिय अभिनेता शिव शंकर रिजालको नाममा गुट्खा बजारमा आएको छ । पान पसलेको रुपमा जोगिन्दरको भूमिकामा प्रस्तुत हुने उनको नाममा नेपाली गुट्खा निस्किएको हो ।
बजारमा उपलब्ध गुट्खाको नाम नै ‘जोगिन्दर गुट्का’ राखिएको छ । नेपालमै उत्पादन भएको उक्त प्रोडक्ट आफ्नो नामबाट निस्किदा कलाकार रिजाल निकै खुशी छन् । नेपाली कलाकारिताको इतिहासमै कुनै पनि कलाकारको नामबाट निस्किएको प्रोडक्ट नेपालमा सम्भवतस् यो पहिलो हो ।
‘मेरो नाममा प्रोडक्ट निकाल्दै छु भनेपछि मलाइ खुशी लाग्यो’ कलाकार रिजालले पत्रकार सम्मेलनमा भने – ‘हामीले प्रस्तुत गरेको क्यारेक्टरमा लगानी गरेर कसैले स्वदेशमा रोजगारीको अवसर ल्याउछ भने हामी खुशी हुनुपर्छ ।’
उत्पादक पूजा सुर्ती उद्योगका सञ्चालक हिरालाल शाहले पनि आफुले कम्पनी स्थापना गर्दै स्वदेशमा रोजगारीको सृजनामा गरेको बताए । उनले ब्राण्डका लागि अन्य नाम पनि कल्पना गरेका थिए, तर अरुसंग मिल्दो भएपछि आफुलाई मनपर्ने टेलिभिजन कार्यक्रम ‘जोगिन्दर बोले प्रणामजी’ बाट जोगिन्दर सापटी लिदै प्रोडक्ट नै बजारमा ल्याएका उनको भनाइ छ ।
हिरालाल स्वयं पान व्यवसायी हुन् । उनले जोगिन्दरको टेलिभिजन कार्यक्रमका नियमित दर्शक समेत हुन् । ‘हामी पान व्यवसायीको शान जोगिन्दरजीले बढाउनु भएको छ । त्यसैले उहाँको सम्मानमा प्रोडक्ट बजारमा ल्याएका हौँ’ शाहले भने ।
शिवशंकरले उनले आफ्नो उपनाम प्रयोग गरेर स्वदेशमै कुनै प्रोडक्ट उत्पादन हुन्छ र त्यहाँ केहि नेपालीले रोजगार पाउँछन भने त्यो खुशीको कुरा रहेको बताए ।
