आइसिसी टी-२० विश्वकपअन्तर्गत समूह चरणका खेलहरु सम्पन्न भएका छन् ।
समूह चरणको अन्तिम खेलमा मंगलवार विश्वकपको सह-आयोजक वेष्ट इन्डिज र अफगानिस्तानबीच खेल भयो ।
निकोलस पूरनको आक्रामक इनिङ्ससँगै वेस्ट इन्डिजले अफगानिस्तानलाई १०४ रनले पराजित गरेको छ।
एक खेल अगावै लगातार तीन खेल जितेर सुपर आठमा पुगेको वेस्टइन्डिज आजको जित सहित ८ अङ्क सहित सुपर ८ मा पुगेको छ ।
पराजित भएपनि समूह उपविजेता बनेको अफगानिस्तानले पनि सुपर ८ को यात्रातग गरेको छ ।
बुधवार बाट शुरु हुने सुपर ८ का खेलहरुको पहिलो खेलमा वेस्ट इन्डिजले इश्र्ल्याण्डको सामना गर्नेछ भने भोलि नै पहिलो खेलमा विश्वकपको अर्को सह-आयोजक अमेरिका र दक्षिण अफ्रिकाबीच खेल हुनेछ ।
यसैबीच विश्वकपमा सहभागी भएर समूह चरणबाट बाहिरिएको नेपाल स्वदेश फर्कने तयारीमा छ । नेपाली टोली बिहीबार नेपाल आइपुग्ने क्यानले जनाएको छ । रासस
