प्रमुख प्रतिपक्षी दल उपप्रधान एवं गृहमन्त्री रवि लामिछानेलाई संसदमा आफ्नो विचार राख्न सहमत भएपछि प्रतिनिधिसभाको आजको बैठकमा बोल्दै उपप्रधानमन्त्री लामिछानेले सहकारीको रकम अपचलनमा आफ्नो संलग्नता नरहेको बताउनुभएको छ ।
प्रतिनिधिसभाको बैठक आज बिहान ११ः०० बजेका लागि बैठक बस्ने कार्यसूची भए पनि दुई पटकसम्म सारेर साढे चार बजे सम्मका लागि स्थगित गरिएको थियो ।
त्यसपछि दलहरुबीच भएको परामर्शपछि प्रमुख प्रतिपक्षी दल नेपाली काँग्रेस उपप्रधानमन्त्री लामिछानेलाई सदनमा आफ्नो विचार राख्न सहमत भएपछि बेलुकी ६ः०० बजेपछि मात्रै बैठक बसेको हो ।
बैठकमा उपप्रधान एवं गृहमन्त्री रवि लामिछानेले आफ्नो नाम जोडेर चलाइएका हल्लाहरू निराधार भएको बताउनुभयो ।
उपप्रधानमन्त्री लामिछानेले आफूमाथि लगाइएको आरोप सत्य हो भने मुद्दा दायर गर्न चुनौती दिँदै अन्तिम सास सम्म लड्न आफु तयार रहेको बताउनुभयो ।
सञ्चार माध्यमका समाचार कै भरमा आफूलाई सहकारी प्रकरणमा जोड्नु उचित नभएको भन्नुहुँदै उपप्रधानमन्त्री लामिछानेले आफूलाई प्रधानमन्त्रीको अफर कायमै छ कि छैन भनेर प्रमुख प्रतिपक्षी दल नेपाली काँग्रेससँग प्रतिप्रश्न समेत गर्नुभयो ।
रासस / नेपाल टेलिभिजन
