प्रधानमन्त्री शेरबहादुर देउवाले राष्ट्रिय विभूति भीमसेन थापा उहाँले जीवनमा गर्नुभएका कर्मका आधारमा नेपालको इतिहासमा राष्ट्रवादी व्यक्तित्वका रुपमा परिचित हुनुभएको बताउनुभएको छ ।
राष्ट्रिय विभूति भीमसेन थापाको २४८औँ जन्मजयन्तीका अवसरमा राष्ट्रिय विभूति भीमसेन थापा स्मृति प्रतिष्ठानले सोमवार आयोजना गरेको भीमसेन थापा स्मृति पुरस्कार वितरण समारोहमा उहाँले स्वाभिमानी थापाले पुर्याउनुभएको योगदानको स्मरण गर्नुभयो ।
![No description available.](https://scontent.fktm7-1.fna.fbcdn.net/v/t1.15752-9/295549846_922059622529357_9178324654545790133_n.jpg?_nc_cat=108&ccb=1-7&_nc_sid=ae9488&_nc_ohc=TaSip0cQSEwAX8L67-A&_nc_ht=scontent.fktm7-1.fna&oh=03_AVJoRpJHpkucQXS9ndNE9OFOV_TYpTLBWNUtp5DM7vwp3g&oe=630583D7)
![No description available.](https://scontent.fktm7-1.fna.fbcdn.net/v/t1.15752-9/295549846_922059622529357_9178324654545790133_n.jpg?_nc_cat=108&ccb=1-7&_nc_sid=ae9488&_nc_ohc=TaSip0cQSEwAX8L67-A&_nc_ht=scontent.fktm7-1.fna&oh=03_AVJoRpJHpkucQXS9ndNE9OFOV_TYpTLBWNUtp5DM7vwp3g&oe=630583D7)
“थापाले महत्त्वपूर्ण आर्थिक सुधारको काम गर्नुभएको छ, उहाँले मानापाथी व्यवस्थित गरेर नापतौलको मापन गर्नुभयो, चिट्ठीपत्र ओसारपसारका लागि पनि भीमसेन थापाले काम गर्नुभएको छ” प्रधानमन्त्री देउवाले भन्नुभयो ।
महत्त्वपूर्ण कागजात एवं चीजबीजको अभिलेख राख्ने काम पनि भीमसेन थापाकै पालामा सुरु भएको उल्लेख गर्नुहुँदै उहाँले स्वतन्त्र देश नेपालको रक्षाका लागि गरेको योगदानको चर्चा गर्नुभयो ।
प्रतिष्ठानका अध्यक्ष प्रा डा पार्थिवेश्वरप्रसाद तिमल्सिनाले थापाको नासोका रुपमा रहेको लगनटोलस्थित सिलखाना पुरानै स्वरुपमा पुनःनिर्मााणको व्यवस्था मिलाइदिन प्रधानमन्त्री देउवासँग माग गर्नुभयो ।
कार्यक्रममा रु एक लाख राशिको भीमसेन थापा स्मृति पुरस्कार भक्ति थापा स्मृति प्रतिष्ठानलाई प्रदान गरिएको थियो । पुरस्कार ग्रहण गर्नुहुँदै प्रतिष्ठानका अध्यक्ष रोवबहादुर थापाले भक्ति थापाका विषयमा अध्ययन अनुसन्धानका लागि पुरस्कारबाट प्राप्त रकमलाई सदुपयोग गरिने प्रतिबद्धता जनाउनुभयो ।
कार्यक्रममा प्रा डा त्रिरत्न मानन्धर, प्रतिष्ठानका सदस्य–सचिव लक्ष्मण थापालगायतले नेपालको एकीकरण, इतिहास एवं राजनीतिक क्षेत्रमा भीमसेन थापाले गर्नुभएको महत्त्वपूर्ण कामका बारेमा व्याख्या गर्नुभएको थियो । रासस