शोभा पाण्डेय/सिलवाल
श्रावण,भाद्र वर्षा ऋतु,पानी कति परेको ?
जतातै बाढी पहिरो झन् झन् बढेको ।
बाढी ,पहिरो नदीले बगाएर सलल
कठैबर ! धेरैको भाछ बेहाल ।
सिन्धुपाल्चोक,मेलम्चीमा हाहाकार बनायो
एकै रातमा महाजनलाई कङ्गाल बनायो ।
प्रकृतिको प्रकोपलाई कसले सक्ने रोकन ?
मानवको रोदनलाई पर्यो देखन ।
उर्ली आइन् सरिता धेरैको भो बिजोग
प्रकृतिलाई जित्न खोज्दा भयो बैराग ।
अरबपति,करोडपति, रोडपति भाका छन्
यो दुःखमा सबै पीडित रुनु रोका छन् ।
जनताको दुःखमा मलम पट्टी लगाऊँ
मनकारी मानवहरू मुठी फुकाऊ ।
शीतको थोपा बटुली घैला भरौँ सबैले
ती पीडितको पीडामा साथ दिऊँ मनैले ।
सरकारको राहत बजेट कहाँ जान्छ? था छैन
जनताको सरकारले वास्तै गर्दैन ।
जनताका अभिभावक बने हुन्थ्यो सरकार
ती दुःखीका पूरा गर सबै दरकार ।
