कोरोना भाइरसको सङ्क्रमणबाट आज २ सय ६४ जना निको भएका छन् ।
योसँगै हालसम्म कोरोना सङ्क्रमणबाट निको हुनेको सङ्ख्या २ लाख ६६ हजार ६ सय पुगेको स्वास्थ्य तथा जनसङ्ख्या मन्त्रालयले जनाएको छ ।
स्वास्थ्य तथा जनसङ्ख्या मन्त्रालयले दिएको तथ्याङ्क अनुसार ९८ दशमलव ३ प्रतिशत सङ्क्रमित निको भइसकेका छन् ।
आज देशभर ४ हजार १ सय ४५ वटा नमुना परीक्षण गर्दा १ सय ५९ जनामा कोरोना सङ्क्रमण पुष्टि भएको छ ।
योसँगै नेपालमा हालसम्म कोरोना भाइरसबाट सङ्क्रमित हुनेको सङ्ख्या २ लाख ७१ हजार १ सय १८ पुगेको छ ।
यस्तै २ हजार ४ सय ८९ जना सक्रिय सङ्क्रमित मध्ये १ सय २८ जनाको आइसियु र २२ जनाको भेण्टिलेटरमा उपचार भइरहेको मन्त्रालयले जनाएको छ ।
त्यसै गरी कोरोना सङ्क्रमणका कारण आज कसैको मृत्यु नभएको मन्त्रालयले जनाएको छ ।
