डोल्पा जिल्लाको शे–फोक्सुण्डो गाउँपालिका–८ मा रहेको फोक्सुण्डो ताल नेपालको अत्यन्तै प्रसिद्ध र सुन्दर ताल हो। शे–फोक्सुण्डो राष्ट्रिय निकुञ्ज भित्र रहेको यो ताल पर्यटकीय दृष्टिले निकै महत्वपूर्ण छ।
यस क्षेत्रसम्म पहुँच कठिन थियो किन भने सडक सञ्जाल पर्याप्त थिएन । तर अहिले भेरी करिडोर सडक योजनाअन्तर्गत डोल्पामा सडक विस्तार भइसकेको अवस्थामा यो सुगम भएको छ।
उक्त सडक योजनाले डोल्पा जिल्लालाई राष्ट्रिय सडक सञ्जालसँग जोडेको छ, जसका कारण अब फोक्सुण्डो तालसम्म पुग्न यातायातको दृष्टिले धेरै सहज भएको छ।
यो विकासले पर्यटन प्रवर्द्धन, स्थानीय बासिन्दाको जीवनस्तरमा सुधार र डोल्पाको सामाजिक–आर्थिक विकासमा मद्दत गर्ने अपेक्षा गरिएको छ। रासस
