चीनका सबैभन्दा ज्येष्ठ नागरिकको १३५ वर्षको उमेरमा निधन भएको छ ।
स्थानीय अधिकारीहरूले शनिबार दिएको जानकारीअनुसार सिन्जीयान क्षेत्रमा बसोबास गर्दै आउनु भएकी अलिमिहान सेयीतीको बिहीबार निधन भएको हो ।
उहाँको जन्म सन् १८८६ को जुन २५ मा भएको थियो । उहाँ सन् २०१३ देखि देशको सबैभन्दा ज्येष्ठ नागरिक घोषित हुनुभएको थियो ।
निधन हुनु अगाडिसम्म पनि उहाँको दैनिक जीवन अति सामान्य नै रहेको अधिकारीहरूले जानकारी दिएका छन् । उहाँ सधैँ हासी, खुसी देखिने र आफ्ना नाती नातीनाहरुसँग रमाउने गर्नुहुन्थ्यो,” उहाँका एक आफन्तले भने ।
उहाँलाई स्थानीय सरकारले नियमित स्वास्थ्य परीक्षणलगायतका स्वास्थ्य सेवा पर्याप्त रुपमा उपलब्ध गराएको थियो । –रासस/सिन्ह्वा
