टिकटक भिडियोमार्फत चर्चामा आएकी रेश्मा घिमिरेले एउटा फिल्म पनि खेलेकी थिइन् । म्युजिकल लभ स्टोरी भनिएको फिल्म ‘यो साइनो मायाको’ खासै चलेन । नर्सिङकी विद्यार्थी रेश्मा उक्त फिल्ममा त खासै जमिनन् बरु उनी सामाजिक सञ्चालबाट चम्किन् । उनी सामाजिक सञ्जालमा खुबै सक्रिय छिन् ।
टिकटक भिडियोका माध्यमबाट खुबै चर्चामा आएकी रेश्माका हजारौँ फ्यान छन् । इन्स्टाग्राममा पनि उनका १ लाखभन्दा बढी फलोअर छन् । उनले सामाजिक सञ्जालमा निरन्तर आफूलाई अपडेट राखिरहेकी हुन्छिन् ।
केही समयअघि उनले अभिनय गरेको म्युजिक भिडियो इन्स्टाको फोटो त ‘भाइरल’ नै भयो । तर पछि उक्त गीतलाई गायक कालीप्रसाद बास्कोटाले विदेशी गीतबाट चोरी गरेको भन्ने खुलेपछि गीतको चर्चा कम हुन थाल्यो ।
