शोभा सिलवाल/ पाण्डेय
वर्षा ऋतु सकिएर शरद ऋतु लाग्यो
दुःख पिर हटी अब उमङ्ग नै जाग्यो ।
सोह्र श्राद्ध सकिएर नवरात्री लाग्यो
घर सम्झी परदेशीका परेली भिज्यो ।
पाँच दिनको छुट्टी हुन्छ सबमा हर्ष छायो
मालश्रीको धुनले हाम्रो मनमै ऊर्जा भर्यो ।
घटस्थापना सुरु भयो मा शैलपुत्री पूजा गरी
मा ब्रह्माचारिणी,चन्द्रघण्टा दोस्रो तेस्रो दिन गरी ।
मा कुष्माण्डा, स्कन्दमाता मा कात्यायनीयसै गरी
क्रमशः पूजा गर्दै जाँदा अनि ।
मा कालरात्री सप्तमी, अष्टमीमा महागौरी
महानवमीमा सिद्धिधात्री पूजा गर्छौ श्रद्धा गरी ।
दशमीको दिनमा टीका थापी लगाइन्छ जमरा
हाम्रो देशको संस्कृति लाग्छ सबलाई प्यारा ।
सहरबाट झोला बोकी दशैँ मान्न लागे गाउँतिर
हुनेखानेलाई मोजमस्ती गरिबलाई झनै पिर ।
सबै जनमा सुख चैन यो दशैँले ल्याओस्
वैमन्यश्यता हराएर हर्ष ,उमङ्ग छाओस् ।
२०७८ सालको दशैँमा उच्च रहोस् सबको भावना
मान्यजन,इष्टमित्र , साथी सबैमा बडा दशैंको अपार शुभकामना । शुभकामना !!
