नेपालमा अनुवांशिक अध्ययन गर्दा डेल्टा भाइरस भेटियो

कोरोना भाइरस सङ्क्रमणको अनुवांशिक (जीन सिक्वेन्सिङ) अध्ययन गर्दा नेपालमा डेल्टा भाइरस भेटिएको छ । राष्ट्रिय जनस्वास्थ्य प्रयोगशाला र त्रिभुवन विश्वविद्यालय (त्रिवि)  जैविक प्रविधि केन्द्रीय विभागमा गरिएको अनुवांशिक अध्ययनमा सबैमा डेल्टा भाइरस भेटिएको हो । 

प्रयोगशालाका निर्देशक डा रुणा झाले ४२ नमुनाको अनुवांशिक अध्ययन गरिएकोमा ४१ वटामा डेल्टा भाइरस र एक वटामा ‘क’ जीन नेगेटिभ भएको अल्फा भेरियन्ट देखिएको बताउनुभयो । प्रयोगशालामा २६ र केन्द्रीय विभागमा १६ अनुवांशिक अध्ययन गरिएको थियो। एकचालिस नमुना भदौ र असोज तथा एउटा वैशाखमा सङ्कलन गरिएको थियो । 

Delta variant of coronavirus now reported in 135 countries: WHO | Business  Standard News
Delta Veriant of Covid-19

राष्ट्रिय प्रयोगशालालाई विश्व स्वास्थ्य सङ्गठनले र केन्द्रीय विभागलाई वासिङ्टन विश्वविद्यालयले प्राविधिक सहयोग गरेको थियो । निर्देशक डा झाले अब नेपालैमै सङ्क्रमणको अनुवांशिक अध्ययन गर्न सकिने बताउनुभयो । –रासस


ताजा खबर